Auso, da mir morn abflüge bini natürlech jetz am packe.. Säubverständlech ohni Packlischte, brucht die Frau von heute ja nid... =P Natürlech isch mit mire Reisepartnerin alles abgsproche, wär dr Föhn, Abschminki, Shampoo, Medikament etc. mitnimmt. Das hani mer scho chönne merke.. =) (wärde mer de eh ersch z London merke^^)
Ok, da sitzi jetz, zmitts i mine Sache, nime öpis füre, wo mer grad iifallt, merke när: aha! das hani no im chliformat! XD ok, näme mer z chline mit.. schliesslech weimer mit lääre Koffer gah und mir volle wider zrügg cho.. hehehe
Z Handgepäck isch am Bode verteilt: was Flüssigkeite müesse ine 1 Liter grosse, durchsichtige, widerverschliessbare Plastigsack?! Süsch no Wünsch? De blibts haut ir Schwiiz.. =P Äs isch nümme wie früecher.. Gott sei Dank! süsch hätte usgrächnet mir öppe no sone Terrorfritz ufem Flugi..
Aber zumene viu wichtigere Problem: Handtäsche! Hilfe liebi Froue und Manne!! I ha 3 verschideni Grösse a Handtäschli füregno:
1. z ganz chline, dert möge knapp Zigis und z Telefon ine, fürs Füürzüg längts de scho nümme.. aber si isch mega stylisch, het kei Hänku und isch schön hert, so das ä ufdringleche Ma sicher am nächschte Tag ono Chopfweh hätti..
2. z mittlere, dert mag scho chli meh dri, aso z Portemonnaie (und mis isch gross!) mögti guet dri plus no paar angeri Sache.. Aber fürnes Handgepäck-Täschli isch si de grad z chli und z schön.. =/ hmmm
3. z gröschte, dert mögti scho ä haubi Bibliothek dri.. Si wäri aber zum Shoppe i de Strasse durchus geignet, da si 2 Hänkelsystem het, me chönnt alles drinne verstoue und het d Häng frei zum Fötele oder Rouche.. hmmm
4. und das chunnt garantiert mit: z schmale Buchtäschli chunnt id Hose mit de Reiseungerlage, Traveller Checks, Kohle und Pass.. I merkes ämu de, wemer öper a de Hose umefummlet.. ;-)
OK, jetz sit dir gfragt! Bitte schnäu antworte, da mer ja am 17.30 scho zum Abflug bereit stöh..!
Weli Täschlikombination het öich überzügt? Oder würdeter grad aui mitnäh? immerhin hets im Koffer jetz no Platz... Oder villech findi ja in London äs cools...
PS: vo de Schue fani gar nid ersch a... ;-) Sorry Sheila!
als schuehexpertin chan ich zu dem itrag nöd viel säge. mit täsche und dem wo dri chunt kenn ich mich eifach viel zu wenig us ;-)) ich hoffe ihr händ dennoch viel spass gha bim shoppe und stadtbesichtige!
AntwortenLöschenliebs grüessli, sheila von schuhhausen
Oh, das isch aber schad... janu, i ha z chline und die Grossi und z buchtäschli mitgno.. äs het ämu glängt... =) und i hamer ä nöii kouft.. =D und no viu meh.. das chasch im nächschte Blogiitrag läsä! ;D
AntwortenLöschenich will au verreise zum go shoppe… mini traumdestination wär new york! ha das wucheend s agebot becho mit paar lüüt (hahaha) für ei wuche uf new york z flüge. aber leider ligt das arbetstechnisch nöd drin :-(( so fies…*heul*
AntwortenLöschenoje!! das isch würklech schade... das wär doch super gsi... Muesch am Chef überzügender erkläre, das du i dere Wuche nid chasch schaffe!! ;-)
AntwortenLöschendä chef hett wahrschinli nöd mal öppis dagege. aber mir händ i dere wuche dringedi ufträg wo sich leider nöd verschiebe lönd :-(
AntwortenLöschenmischt.. tja, de hesch i däm fau kei chance... =(
AntwortenLöschen