Wieso machi das?

Wieso machi das?
I ha eigentlech ersch wöue blogge, weni mini grossi Reis aaträtä. Aber vili wüsse, dasi mi dr ganz Tag und die ganzi Nacht immerzue gern mitteile.. ^^ I ha luschtigi und mängisch o ganz ä queri "Sicht der Dinge" und gibe dene Gedanke hie mau ä Ruum zum si. Trotzdäm söus keis Tagebuech wärde, wüu das isch nid so spannend... oder?
Dir chöit mini Usfüerige zu alltäglächä Situatione denn läse, wenn dr luscht druf heit, öppis wo mir weit ghöre oder nech ganz eifach längwilig isch.

Wieso heisst dä blog so blöd?
i bi eis vo de mystic unicorn ir Hebammeschuel und finde das i immer äs Mysterium für gwüssi lüt wirde blibe, Einhörner si säute und me mues se wit go sueche.

Wieso läset dir mi blog?
äs hei aui viu ztüe, Facebook isch eh mainstream, i ha mer mini liebschte ir letschti sorgfältig usgwählt und somit ghöret dir jetz ghoue oder gstoche regelmässig öpis vo mir. ^^

Mues me das würklech läsä?
äs wird niemer zwunge, dä blog z läsä, aber d Möglechkeit gäh, i mini Wäut iiztouche. Usserdäm: Dir sit mini Fründe und das ghört sech, mi z ungerstütze oder ä Kommentar uf mini Usfüherige abzgäh.. =D (Quelle: Sheila)

So, mit dene Wort starte i die Sach: Enjoy!!