Leider haben Nadia und ich zu lange gebraucht, um die Schlüsselzunft zu erreichen und haben die versammelten Fasnächtler am Ende ihrer Pause vor der Zunft angetroffen. Da die die meisten bereits ihre Larve wieder über dem Gesicht hatten und sie kurz vor dem Abmarsch standen, traute ich mich nicht stehen zu bleiben und nach ihm Ausschau zu halten und liefen an ihnen vorbei... Ich schrieb ihm, ob wir uns in der nächsten Pause treffen könnten, aber er antwortete nicht mehr..
Alle 2 Minuten prüfte ich mein Telefon, doch keine Nachricht von ihm erreichte mich. Nadia und ich verbrachten noch mit ihren Freunden einen tollen Abend und machten uns um 4.00 Uhr langsam auf den Heimweg. Um 4.30 Uhr legte ich mich schlafen, ohne Hoffnung, dass er wieder schreiben würde...
Als ich kurz um 8.24 Uhr aufwachte und aufs Telefon schaute: eine Nachricht!!!! von IHM!!! ^^ Und er fragte mich, was ich an den kommenden 2 Tagen vorhatte... Tja: Arbeit, und zwar von Spät nach Früh. Ich sah leider keine Möglichkeit mehr, ihn während der Fasnacht zu treffen. Also haben wir uns weiter Nachrichten geschrieben: was machst du beruflich? Hobbies? etc.
Auf einmal fragt er: (genaue Worte aus dem SMS-Verlauf) "Was machsch grad so?" und ich: "bi bi de eutere und ha z navigationsgrät ghout, woni morn bruche, da i ä roadtrip uf norddütschland mache.. so übers Wuchenänd.. chunnsch mit?"
Er dann so: "Vo morn bis am sunndigoobe? Mit dir sofort! Wo wotsch denn gnau aane? Goosch elai?" Er wirkte etwas nervös, denn er machte einen Tipfehler.. ^^ Da ich aber genau so nervös war, fiel es mir erst Tage später auf.
Dann schrieb ich: "...i chume di morn am 23.00 cho hole.. wo wohnsch?" Er war positiv überrascht und gab mir seine Adresse.
Weiteres haben wir noch organisiert und uns dann tatsächlich um 23.00 bei ihm vor der Wohnung getroffen. Er nahm mich sofort in den Arm und drückte mich fest an sich, plötzlich konnte ich nicht mehr denken. Im Lift erkannte ich, was für schöne grüne Augen er hatte und verlor mich darin. Er zeigte mir die Wohnung, am Fenster legte er einen Arm um mich und wollte mir die schöne Aussicht zeigen. Seinen Arm spürte ich fordernd um meine Schulter und drückte mich immer fester an sich, bis er mich küsste...
Unsere Hände haben sich auf dem ganzen Weg nach Emden berührt und auf den Raststätten machten wir lange Pausen, da wir uns kaum mehr voneinander lösen konnten. Dies ereignete sich am 2./3. März 2012, am 28. April 2012 bin ich bei ihm eingezogen.
Eine Fortsetzung der unendlichen Geschichte ist noch in Planung, aber ich bitte meine lieben Leser um etwas Geduld: bis jetzt ging alles schnell, schauen wir mal, wie es weiter geht. ^^
Mittwoch, 16. Mai 2012
Mittwoch, 11. April 2012
Die unglaubliche Geschichte Teil 1
Also, seit dem letzten Blogeintrag ist einige Zeit vergangen und viel passiert. Ich beginne am besten am Anfang: Fasnacht in Basel...
Ich war mit Nadia im Papa Joes, haben uns gut unterhalten und dem Treiben auf dem Barfüsserplatz zugesehen. Plötzlich drehte ich mich um und sah in die wunderschönsten Augen (mit schwarzer Umrahmung ;)), ich sprach ihn an, fragte ihn nach einer Zigarette (ja, was an der Fasnacht passiert zählt nicht), er: "klar, do!" und wir begannen miteinander zu sprechen.
Wir verabredeten, uns in seiner nächsten Pause wieder zu treffen.. Sein Bruder wollte aufbrechen und fragte ihn: "kasch di no löse?" Er: "nai!"
Nadia hat sich dann zu ihm gewandt: "du kenntsch yyre aigentlig di telifonnummere ge.." und er so: "das kennt ich mache.." und gab sie mir.
(Zwischeninfo: er hoffte sehr, dass ich mich meldete, denn ich habe ihm meine Nummer nicht gegeben.)
Dann zog er mit seiner Fasnachtsgesellschaft weiter. Nadia und ich machten uns auch auf den Weg und zogen in Grossbasel umher. Ich habe nicht lange gewartet, bis ich ihm eine Nachricht schickte. Er hat kurze Zeit später auch geantwortet, er wäre in der Schlüsselzunft, um eine Pause zu machen.
Ich mach jetzt auch Pause und werde etwas schlafen. Die Fortsetzung gibts bald hier zu lesen! ;)
Ich war mit Nadia im Papa Joes, haben uns gut unterhalten und dem Treiben auf dem Barfüsserplatz zugesehen. Plötzlich drehte ich mich um und sah in die wunderschönsten Augen (mit schwarzer Umrahmung ;)), ich sprach ihn an, fragte ihn nach einer Zigarette (ja, was an der Fasnacht passiert zählt nicht), er: "klar, do!" und wir begannen miteinander zu sprechen.
Wir verabredeten, uns in seiner nächsten Pause wieder zu treffen.. Sein Bruder wollte aufbrechen und fragte ihn: "kasch di no löse?" Er: "nai!"
Nadia hat sich dann zu ihm gewandt: "du kenntsch yyre aigentlig di telifonnummere ge.." und er so: "das kennt ich mache.." und gab sie mir.
(Zwischeninfo: er hoffte sehr, dass ich mich meldete, denn ich habe ihm meine Nummer nicht gegeben.)
Dann zog er mit seiner Fasnachtsgesellschaft weiter. Nadia und ich machten uns auch auf den Weg und zogen in Grossbasel umher. Ich habe nicht lange gewartet, bis ich ihm eine Nachricht schickte. Er hat kurze Zeit später auch geantwortet, er wäre in der Schlüsselzunft, um eine Pause zu machen.
Ich mach jetzt auch Pause und werde etwas schlafen. Die Fortsetzung gibts bald hier zu lesen! ;)
Dienstag, 21. Februar 2012
Anders als sonst..
So, da ich in letzter Zeit keine Rückmeldungen mehr zu meinem Blog erhalten habe, wechsle ich mal die Sprache und versuche ich ein breiteres Publikum anzusprechen. :)
Ich habe in letzter Zeit einige Filme gesehen, die sich mit dieser Thematik auseinandersetzen: wie finde ich meinen Partner fürs Leben? Uns weiblichen Wesen werden schon im frühkindlichen Alter Märchen über Prince Charming erzählt, welche sich in unseren unreifen Gehirnen verankern.
Anstatt die Schuld nach unseren verkorksten Beziehungsproblemen den Märchen zu geben, versuche ich eine Bewältigungsstrathegie dafür zu finden.
Ich habe dafür Erfahrungsberichte zu Rate gezogen und diese Regeln aufgestellt:
1. Männer sind visuell: ab auf die Sportgeräte und werde fit, Männer verlieben sich nicht auf den ersten Blick in den Charakter..
2. lache über alles, was er sagt: er möchte bewundert werden
3. sprich nicht über deine Probleme: so was wollen Männer nicht hören
4. lass ihn Mann sein! lass ihn bezahlen, dir die Jacke anziehen und Türen öffnen (ist eigentlich die wichtigste Regel!)
5. Männer sind einfach: versuche ihn nicht zu ändern, love him or leave him!
6. schmeiss deine genauen Vorstellungen vom Traummann über Bord, der Liste in deinem Kopf kann kein Mann gerecht werden
7. Liebe dich selbst: deine Aura verändert sich, du wirkst attraktiver
Ich bin schon gespannt, ob ich Rückmeldungen erhalte.. Ich habe kürzlich einen Exorzismus vollzogen und die vermeintliche Liste zu Papier gebracht und sie anschliessend verbrannt. Ich habe noch nicht bemerkt, dass sich was geändert hat, nur, dass es mein Gehirn erleichtert hat. Ist also zu empfehlen! :)
Ich habe in letzter Zeit einige Filme gesehen, die sich mit dieser Thematik auseinandersetzen: wie finde ich meinen Partner fürs Leben? Uns weiblichen Wesen werden schon im frühkindlichen Alter Märchen über Prince Charming erzählt, welche sich in unseren unreifen Gehirnen verankern.
Anstatt die Schuld nach unseren verkorksten Beziehungsproblemen den Märchen zu geben, versuche ich eine Bewältigungsstrathegie dafür zu finden.
Ich habe dafür Erfahrungsberichte zu Rate gezogen und diese Regeln aufgestellt:
1. Männer sind visuell: ab auf die Sportgeräte und werde fit, Männer verlieben sich nicht auf den ersten Blick in den Charakter..
2. lache über alles, was er sagt: er möchte bewundert werden
3. sprich nicht über deine Probleme: so was wollen Männer nicht hören
4. lass ihn Mann sein! lass ihn bezahlen, dir die Jacke anziehen und Türen öffnen (ist eigentlich die wichtigste Regel!)
5. Männer sind einfach: versuche ihn nicht zu ändern, love him or leave him!
6. schmeiss deine genauen Vorstellungen vom Traummann über Bord, der Liste in deinem Kopf kann kein Mann gerecht werden
7. Liebe dich selbst: deine Aura verändert sich, du wirkst attraktiver
Ich bin schon gespannt, ob ich Rückmeldungen erhalte.. Ich habe kürzlich einen Exorzismus vollzogen und die vermeintliche Liste zu Papier gebracht und sie anschliessend verbrannt. Ich habe noch nicht bemerkt, dass sich was geändert hat, nur, dass es mein Gehirn erleichtert hat. Ist also zu empfehlen! :)
Sonntag, 22. Januar 2012
I rub the Piggy bank.... ^^
Ja, i ha mis Sparkässeli usgroubt und zügle gli! Oh wieni mi fröie!!
I zügle uf Bern i die grossi Stadt ines Zimmer mit Aareblick wo aber ruhig isch!
I mache jetz chli angeri Plän, z Uswandere het sech uf unbestimmti Zyt verschobe und somit muesi luege, dasi mers ir Schwiz komfortabel iirichte. Schliesslech wetti die Zyt, woni uf dere Wäut bi gniesse..! ...egal woni bi... =)
I fröie mi zu däm ufd Ferie, ufs härzauerliebschte Chrigi und ufs Zügle!! bi scho jetz am mischte und aues iipacke, dasi de am 1. Februar parat bi..
auso, adios Jegistorf! Ha nach 20 Jahr definitiv gnueg vo dir!! :-p
I zügle uf Bern i die grossi Stadt ines Zimmer mit Aareblick wo aber ruhig isch!
I mache jetz chli angeri Plän, z Uswandere het sech uf unbestimmti Zyt verschobe und somit muesi luege, dasi mers ir Schwiz komfortabel iirichte. Schliesslech wetti die Zyt, woni uf dere Wäut bi gniesse..! ...egal woni bi... =)
I fröie mi zu däm ufd Ferie, ufs härzauerliebschte Chrigi und ufs Zügle!! bi scho jetz am mischte und aues iipacke, dasi de am 1. Februar parat bi..
auso, adios Jegistorf! Ha nach 20 Jahr definitiv gnueg vo dir!! :-p
Freitag, 6. Januar 2012
dr Beziehigskiller!!
auso i finds wider mau üsserscht müehsam, wie sech ir hütige Zyt d Partnerschafte zwüsche Manne und Froue gänderet hei. (nid dases Früecher unbedingt besser wär gsi...) Afe mau vorus:
1.
Was me het, das wott me nid und was me wott, bechunnt me nid... (MÜEHSAM!!!)
2.
Dr Beziehigskiller Nummer eis isch d Beziehig säuber!!
3.
Schissts mi langsam a, immer mir Gedanke über dies und eis z mache: wotter mi oder doch nid, wott i ihn oder passter nid zu mir? Sigs jetz wägem Stärnzeiche oder ä Läbensart, Roucher oder nicht Roucher, Sportler oder Gmüetleche, eifach öppis chlises wo nid würklech passt macht doch bitte nid aues zur Sou?!?
I gloube mit dr Globalisierig hört eifach z Aagebot a verschidene Männer nid uf... Früecher het me übere Mischtstock ghürate und isch eifach z ganze Läbe meh oder weniger glücklech gsi. Voila!!! Isches soooo schwär?!? ><
I ha haut kei Mischtstock vorem Huus... grrrrrr
1.
Was me het, das wott me nid und was me wott, bechunnt me nid... (MÜEHSAM!!!)
2.
Dr Beziehigskiller Nummer eis isch d Beziehig säuber!!
3.
Schissts mi langsam a, immer mir Gedanke über dies und eis z mache: wotter mi oder doch nid, wott i ihn oder passter nid zu mir? Sigs jetz wägem Stärnzeiche oder ä Läbensart, Roucher oder nicht Roucher, Sportler oder Gmüetleche, eifach öppis chlises wo nid würklech passt macht doch bitte nid aues zur Sou?!?
I gloube mit dr Globalisierig hört eifach z Aagebot a verschidene Männer nid uf... Früecher het me übere Mischtstock ghürate und isch eifach z ganze Läbe meh oder weniger glücklech gsi. Voila!!! Isches soooo schwär?!? ><
I ha haut kei Mischtstock vorem Huus... grrrrrr
Montag, 2. Januar 2012
a Single Life
Mis Single-Dasii geit jetz de gli äs Jahr (ja, i weis, das das nid so lang isch..) und äs geit mer scho nid schlächt wäg däm, aber weme so uf die 30gi zuestüret wird me langsam kribbelig...
Da chöme när so Frage uf wie:
Wirdi jeh wider öpper finge? Wiso lehri nume Männer kenne, wo mer nid passe? Hani z höchi Aasprüch? Oder doch eifach nume Päch? Oder muesi eifach no chli Geduld ha, bisi wider cha verliebt si/liebe?
Nächär: de lehrt me öper kenne, dä würd eim SUPER passe, Gfühl chöme uf und me lehrt sech langsam kenne, wett aber irgendwie scho aues inkl. die Vertroutheit, wome so lang vermisst het und chas de fasch nid erwarte, wenns schön langsam geit (wie eigentlech normau)... grrrrrrr!!! ><
När isch dä Ma ono äs Rätsu trotz mire eigentlech guete Mönschekenntnis.. *nerv*!! und är fingts o guet, das ig für ihn äs Rätsu bi! (Würd für mini These us Twilight spräche: Dr Edward suecht sech die us, wo är nid weis, was si dänkt...) was ja eigentlech o keis schlächts Zeiche isch!! *kopfkratz*
i merke grad, dasi nid aues so cha ha, wies mir passt und mir plant ha.. scheisse!! aber so blibts hoffentlech spannend (süsch häts ja kei Wärt) und cha doch no öpis wärde...
wie bir Bridget Jones tüechts mi, dasi eifach mi säuber blibe und o weni i zig Fettnäpfli inetschaupe und mitem Ma vo obe villech aues fausch mache, wirds mi uf mim Wäg bhaute!
Da chöme när so Frage uf wie:
Wirdi jeh wider öpper finge? Wiso lehri nume Männer kenne, wo mer nid passe? Hani z höchi Aasprüch? Oder doch eifach nume Päch? Oder muesi eifach no chli Geduld ha, bisi wider cha verliebt si/liebe?
Nächär: de lehrt me öper kenne, dä würd eim SUPER passe, Gfühl chöme uf und me lehrt sech langsam kenne, wett aber irgendwie scho aues inkl. die Vertroutheit, wome so lang vermisst het und chas de fasch nid erwarte, wenns schön langsam geit (wie eigentlech normau)... grrrrrrr!!! ><
När isch dä Ma ono äs Rätsu trotz mire eigentlech guete Mönschekenntnis.. *nerv*!! und är fingts o guet, das ig für ihn äs Rätsu bi! (Würd für mini These us Twilight spräche: Dr Edward suecht sech die us, wo är nid weis, was si dänkt...) was ja eigentlech o keis schlächts Zeiche isch!! *kopfkratz*
i merke grad, dasi nid aues so cha ha, wies mir passt und mir plant ha.. scheisse!! aber so blibts hoffentlech spannend (süsch häts ja kei Wärt) und cha doch no öpis wärde...
wie bir Bridget Jones tüechts mi, dasi eifach mi säuber blibe und o weni i zig Fettnäpfli inetschaupe und mitem Ma vo obe villech aues fausch mache, wirds mi uf mim Wäg bhaute!
Dienstag, 27. Dezember 2011
Die Blutdusche
Das vorweg: I chume grad vor Nacht und bi jetz de sit 24 h wach, aso nid wundere, weni chli liire.. =D
I ha hüt z Nacht ä Geburt gha und äs isch alles guet gloffe, aber nachdäm i ha z Nabuschnur-pH abgno, hani ä aktivi Lösig vo dr Plazenta aagstrebt und ä cord traction gmacht. (Für aui die, wo nid ir Geburtshiuf tätig si: i zieh ar Nabuschnur, bis dr Mueterchueche vor Gebärmueter trennt isch und gebore wird)
Super Sach! (Isch nach schueubuech...)
Aber weme haut ono a dr Chlemme zieht, und die vom üsserschte Ändi abschlipft ischs ja klar, das eim die ganzi Sauce (hier: Bluet) mir is Gsicht, ad Chleider und id Haar sprützt...
Na Bravo, i hocke grad unger dr Bluetduschi... SUPER!! und jetz isch nüt mit ufstah und go wäsche, nenei, d Plazenta isch ja noni cho.. ok, Chlemme löse und nöi aasetze, witer zieh..
Jede Vampier hät fröid gha und sech gärn drunger gsteut... =P
Auso, guet Nacht mitenang! (...zzz...)
I ha hüt z Nacht ä Geburt gha und äs isch alles guet gloffe, aber nachdäm i ha z Nabuschnur-pH abgno, hani ä aktivi Lösig vo dr Plazenta aagstrebt und ä cord traction gmacht. (Für aui die, wo nid ir Geburtshiuf tätig si: i zieh ar Nabuschnur, bis dr Mueterchueche vor Gebärmueter trennt isch und gebore wird)
Super Sach! (Isch nach schueubuech...)
Aber weme haut ono a dr Chlemme zieht, und die vom üsserschte Ändi abschlipft ischs ja klar, das eim die ganzi Sauce (hier: Bluet) mir is Gsicht, ad Chleider und id Haar sprützt...
Na Bravo, i hocke grad unger dr Bluetduschi... SUPER!! und jetz isch nüt mit ufstah und go wäsche, nenei, d Plazenta isch ja noni cho.. ok, Chlemme löse und nöi aasetze, witer zieh..
Jede Vampier hät fröid gha und sech gärn drunger gsteut... =P
Auso, guet Nacht mitenang! (...zzz...)
Montag, 7. November 2011
eine Nase!!
I ha ir letschi ä ganz guete Riecher gha, was wird passiere, wie und wenn. I ha erstunlechi Vorussage gmacht und bi de gäng richtig glägä...
Bispiuswiis hani mehrmals gseit, das ä gwüssi Person im Herbscht wider wird uftouche. Siehe da, die Person chunnt aaztanze und bereut alles wo vorher passiert isch. Mi überrascht das gar nid, wüuis ja gwüsst ha.
I ha o ganz genau gwüsst wo z Mami gsi isch, wenn sie nid isch heicho, ha das gseit und im Nachhinein het si gseit, wie rächt dasi gha ha, nämmlech: BULLSEYE!!!
Nächär bim schaffe am Morge am 9.00:
Ig: "das Baby chunnt am Abe zwüsche 22 und 23 ufd wäut."
Betreuerin: "mau luege öb de rächt hesch, das geit hüt noni los mit de Wehe.." Tja, Geburtszyt: 22.45!! =D
Bim schaffe, Morge am 9.00 bir Iileitig Ig: "das Baby chunnt hüt nachem Mittag", Dr Chefarzt het gseit: "chabis, das chunnt nid vor de 20.00 hüt z Abe und vor de 15.00 wärdet dr keni Wehe gspüre." Tja, Geburtszyt: 14.15!! =D
Hahaha, mis Näsli isch im Moment unschlagbar und weis viles. I bi froh z wüsse, dasi mim Gspüri cha vertroue. I warte no uf paar Sache wo iiträffe, da i natürlech no meh Vorussage gmacht ha. hehehe, mau luege, wie sech gwüssi Sache no so entwickle, wienis gseit ha!!
Übrigens: hiermitt eröffne i äs Wettbüro und me cha mit mir über aui Vorrussage Wette abschliesse! ä Wett- Lischte isch momentan no nid beziehbar, wird aber uf Wunsch zämägsteut. =)
Samstag, 24. September 2011
erschti Wuche schaffe
läck Jimmy, isch das sträng, so viu schaffe bini mer gar nümme gwöhnt.. Das geit no äs wili so! Mischt! o.0
Aber he, das klappt scho, i bi fängs ei wuche dert und weni mer de heime z Fachwüsse chli meh inestopfe, chani das Prakti o besser abschliesse!
Iiu, das heisst ab jetz: nüt mit Usgang am Wuchennänd, sondern dä heime blibe und lehre.. Fertig luschtig, jetz wirds ärnscht, süsch hätti die 2 Jahr Studium für nüt gmacht... =/
Ok, de wüsst dir ja, wo der mi i de nächschte 19 Wuche findet: hinger de Büecher oder im Gebs bi de Froue!
Schüüsss! =D
Aber he, das klappt scho, i bi fängs ei wuche dert und weni mer de heime z Fachwüsse chli meh inestopfe, chani das Prakti o besser abschliesse!
Iiu, das heisst ab jetz: nüt mit Usgang am Wuchennänd, sondern dä heime blibe und lehre.. Fertig luschtig, jetz wirds ärnscht, süsch hätti die 2 Jahr Studium für nüt gmacht... =/
Ok, de wüsst dir ja, wo der mi i de nächschte 19 Wuche findet: hinger de Büecher oder im Gebs bi de Froue!
Schüüsss! =D
Sonntag, 18. September 2011
Rolltreppensurfen
Dr geschtrig Abe isch leider chli id Hose:
Dr eint seit: "Nei, chume nid mit.." "mou, i chume doch mit.." "nei, i bi z müed.."
Die anderi meint mit gschätzte 100 SMS: "wo isches?" "geisch älleini?" "wer chunnt de no mit?" "was isches fürne Party?" "wie göter?" "wenn göter hei?" "wenn fahrt dr Moonliner?" (mi Kommentar: "müesse mer dere ungerwägs no d Windle wächlse?!?!)
und schlussändlech: "ah nei, i cha doch nid, mues morn schaffe.."
HALLO?! Isch ja chli piinlech!!
Ok, mir si när glich gange.. Bis mer vor dr Rithaue gsi si, simer no voller vorfröid gsi, oder besser: bis mer gseh hei: Dachstock: Ausverkauft! =( Mischt!!
Was machemer jetz? Ok, Tilllate App uftue: Yeah, mir gö as Peyman Amin Modelcasting ir BEA Expo! Muahaha! Mach dr ä bildli... XD
Jää, das chunnt nid guet, auso, gömer witer richtig Bahnhof..
Mir mache ä Beizetour: Desperado - öppis drinke - witer - Nelson - öppis trinke - witer - Subway (simer scho vorgeschter gsi: öde..) - wirsch no schnäu vo eim müehsam aagmacht, wo de z Mami chönntsch si, 0.o - witer - ok, scho wider is Sexchino - hihihi, isch zue, aber mir gö mau.. - witer - Messy Stripclub (Zuesatzinfo: i bi scho mau drinne gsi..) - paar blödi Sprüch - dä wo vorne dranne steit lachet - witer - Papa Joes het scho zue - witer - Bahnhof - ufd Rollträppä (mir wei hei) - Arme ufe - mir si uf dr Silver Star (!) WOOOHOOO - uf dr zwöite Rollträppä surfe mer chlei (o luschtig) - witer - i überfüllt Lift (nume Froue drinne) - Freefall Tower - *kreisch* - ab is Outo - Dubstep Party nachehole...
Dä Abe isch glich nid id Hose! XD So Äbe mache Laune aber z nächscht mau weimer aber trotzdäm anä Dubstep Party!!!!
Dr eint seit: "Nei, chume nid mit.." "mou, i chume doch mit.." "nei, i bi z müed.."
Die anderi meint mit gschätzte 100 SMS: "wo isches?" "geisch älleini?" "wer chunnt de no mit?" "was isches fürne Party?" "wie göter?" "wenn göter hei?" "wenn fahrt dr Moonliner?" (mi Kommentar: "müesse mer dere ungerwägs no d Windle wächlse?!?!)
und schlussändlech: "ah nei, i cha doch nid, mues morn schaffe.."
HALLO?! Isch ja chli piinlech!!
Ok, mir si när glich gange.. Bis mer vor dr Rithaue gsi si, simer no voller vorfröid gsi, oder besser: bis mer gseh hei: Dachstock: Ausverkauft! =( Mischt!!
Was machemer jetz? Ok, Tilllate App uftue: Yeah, mir gö as Peyman Amin Modelcasting ir BEA Expo! Muahaha! Mach dr ä bildli... XD
Jää, das chunnt nid guet, auso, gömer witer richtig Bahnhof..
Mir mache ä Beizetour: Desperado - öppis drinke - witer - Nelson - öppis trinke - witer - Subway (simer scho vorgeschter gsi: öde..) - wirsch no schnäu vo eim müehsam aagmacht, wo de z Mami chönntsch si, 0.o - witer - ok, scho wider is Sexchino - hihihi, isch zue, aber mir gö mau.. - witer - Messy Stripclub (Zuesatzinfo: i bi scho mau drinne gsi..) - paar blödi Sprüch - dä wo vorne dranne steit lachet - witer - Papa Joes het scho zue - witer - Bahnhof - ufd Rollträppä (mir wei hei) - Arme ufe - mir si uf dr Silver Star (!) WOOOHOOO - uf dr zwöite Rollträppä surfe mer chlei (o luschtig) - witer - i überfüllt Lift (nume Froue drinne) - Freefall Tower - *kreisch* - ab is Outo - Dubstep Party nachehole...
Dä Abe isch glich nid id Hose! XD So Äbe mache Laune aber z nächscht mau weimer aber trotzdäm anä Dubstep Party!!!!
Freitag, 16. September 2011
Dubstep
I zeige jetz mau ä nöii Musigrichtig, wo mer rächt gfaut! Dubstep: isch eifach geil! Loset mau ine:
http://www.youtube.com/watch?v=SFu2DfPDGeU
huere geil, oder? da wird eifach dr Ton verlangsamt und när chunnt das *wuop wuop wuop* use.. Hammer! Morn lege si im Dachstock uf, aso: nichts wie hin! =D Mir gö ämu!
Sonntag, 11. September 2011
World Trade Centre
Äs isch eifach schlimm, was hüt vor 10 Jahr passiert isch... Fasch 3000 Mönsche si drbi umcho.
I bi 1 Jahr nach dr Katastrophe am Ground Zero gsi, äs het grägnet, isch düschter und d Stimmig isch genau wies Wätter gsi. Viu Lüt si a de Gedänktafele gstande und hei d Näme vo de Opfer gläse...
Söttigi Ereignis bringe Opfer, Mörder und Helde füre. A aui Füürwehrmanne, Polizischte und süschtigi Helde vom World Trade Centre: Dir sit SUPER und werdet immer in Erinnerig vo öine Liebschte witerläbä. Rest in Peace.
I bi 1 Jahr nach dr Katastrophe am Ground Zero gsi, äs het grägnet, isch düschter und d Stimmig isch genau wies Wätter gsi. Viu Lüt si a de Gedänktafele gstande und hei d Näme vo de Opfer gläse...
Söttigi Ereignis bringe Opfer, Mörder und Helde füre. A aui Füürwehrmanne, Polizischte und süschtigi Helde vom World Trade Centre: Dir sit SUPER und werdet immer in Erinnerig vo öine Liebschte witerläbä. Rest in Peace.
Samstag, 10. September 2011
Spinnsch, oder was?
Iiiu, i spinne.. Ischs nech noni ufgfaue? =D hahaha, öppe scho.. Me seit, i sigi no am pubertiere.. . Ja hoffentlech!! Das isch mi Jungbrunne, weni nid cha spinne und kichere wiene 14jährigi, stüüri schwär uf 30gi zue... o.0
Z Läbä isch nid immer eifach und zwingt eim gwüssi Site a sich z gseh, wo me eigentlech lieber nid wett. Hmm, chame die nid abschnide?! Wär no praktisch...
I bi ir letschti nid so guet druffe gsi, de hani mini luschtigi Site chli weniger zeigt, aber da jetz chli Balascht vo mir abgfalle isch, geit z kichere wider besser überd Lippe. *hihihi*
Mir hei geschter ä super Abe gha und viu glacht! Drum lacheni ab jetz wider chli meh:
http://www.youtube.com/watch?v=mSWlXb28nQE
Z Läbä isch nid immer eifach und zwingt eim gwüssi Site a sich z gseh, wo me eigentlech lieber nid wett. Hmm, chame die nid abschnide?! Wär no praktisch...
I bi ir letschti nid so guet druffe gsi, de hani mini luschtigi Site chli weniger zeigt, aber da jetz chli Balascht vo mir abgfalle isch, geit z kichere wider besser überd Lippe. *hihihi*
Mir hei geschter ä super Abe gha und viu glacht! Drum lacheni ab jetz wider chli meh:
http://www.youtube.com/watch?v=mSWlXb28nQE
Mittwoch, 7. September 2011
Der Tag
I ha äs Problem, i hätt gärn meh Zyt pro Tag! I sägä gäng wider so haubi Sache zue und ha immer irgend ä Zytkonflikt. Schisst mi a, i wett doch auem woni plane, grächt werde... *grummel*
Chönnt me nid eifach die Täg chli id Längi zieh, so, dasi aues unger ei Huet bringe?!?!
Villech ligts ja eher a mire Planig.. Villech sötti haut mau "to do-lists" mache, so dasi immer alles unger Kontrolle ha.. o.0 hmm, Spiegeli, da bisch..!
Ok, i ha 2 Agenden, woni beidi guet nachegführt ha, aber i sött mer gloub o die Sache ufschribe, woni mer so vornime zum mache und kei Zyt drfür iiträgä...
Und jetz hani wider 10 Miute Zyt verlore dür dä Blogiitrag!!!! *gopfertaminomau*
Na ja, jetz ischer scho gschribe..
De wünschi mau guet Nacht! Bye bye!
Chönnt me nid eifach die Täg chli id Längi zieh, so, dasi aues unger ei Huet bringe?!?!
Villech ligts ja eher a mire Planig.. Villech sötti haut mau "to do-lists" mache, so dasi immer alles unger Kontrolle ha.. o.0 hmm, Spiegeli, da bisch..!
Ok, i ha 2 Agenden, woni beidi guet nachegführt ha, aber i sött mer gloub o die Sache ufschribe, woni mer so vornime zum mache und kei Zyt drfür iiträgä...
Und jetz hani wider 10 Miute Zyt verlore dür dä Blogiitrag!!!! *gopfertaminomau*
Na ja, jetz ischer scho gschribe..
De wünschi mau guet Nacht! Bye bye!
Dienstag, 6. September 2011
The Big Bang Theory
I wett mau ä Iitrag vo mire Lieblingssändig mache: The Big Bang Theory! Intelligenti Witze, Sozialstudie und hoffnigslosi Liebi.. Eifach dr Hammer!!
Mini liebschti Person i dere Serie isch dr Dr. Dr. Sheldon Lee Cooper: "Sheldon ist ein theoretischer Physiker. Er ist hochbegabt, sein IQ wird mit 187 beziffert und versuchte bereits als Kind, komplexe Geräte wie ein Röntgengerät und ein Kernreaktor zu bauen." Isch natürlech nid so guet usecho..(Bitte ir Staffel 1 nacheluege..)
Mini liebschti Folg isch die in Staffel 2, wo dr Sheldon äs Gschänk vor Penny bechunnt, nämlech ä bruchti Serviette vom Leonard Nimoy bechunnt.. Eifach zu süess!!! XD
Auso: eifach mau ineluege und gniesse!!
Mini liebschti Person i dere Serie isch dr Dr. Dr. Sheldon Lee Cooper: "Sheldon ist ein theoretischer Physiker. Er ist hochbegabt, sein IQ wird mit 187 beziffert und versuchte bereits als Kind, komplexe Geräte wie ein Röntgengerät und ein Kernreaktor zu bauen." Isch natürlech nid so guet usecho..(Bitte ir Staffel 1 nacheluege..)
Mini liebschti Folg isch die in Staffel 2, wo dr Sheldon äs Gschänk vor Penny bechunnt, nämlech ä bruchti Serviette vom Leonard Nimoy bechunnt.. Eifach zu süess!!! XD
Auso: eifach mau ineluege und gniesse!!
Mittwoch, 31. August 2011
Mau wider
I ha truurige und zu glich luschtige Abe verbracht! Tönt komisch, oder?
I ha äs Träffe gha mitemne Mah, womi eigentlech recht interessier het, isch aber chli id Hose gange.. Sorry, ä Gentleman zahlt sire agebätätä gfälligscht äs Znacht, wo 6.90 SFr. choschtet!!! Hallooo??!?!?!? wo simer de hie??? i gloubes nid...
Und när wotter mi no wider gseh... HALLOOO?!?!? Was söu de das? I chume nid drus... Und när dä Kuss, chasch ja nid Ärnscht näh... Wort si ja ok, aber Tate müesse sprächä.. "Schüchtern" isch so die globali Usred.. Bäääh, i gloubs dr nid und äs tuet mer nid mau leid....
Bye bye!!!!!!!!!!!!!
När bini zu mire liebe Eva! I hoffe du findsch di Wäg wider und lahsch dä Tubu links la lige.. Är het di nie verdient gha...
Usserdäm, hüt isch wider besser gsi, aus die letschte 2 Täg.. Gott sei Dank!!
Und mit dene Wort höreni uf! Adios amigos! Buenas noches! =D
I ha äs Träffe gha mitemne Mah, womi eigentlech recht interessier het, isch aber chli id Hose gange.. Sorry, ä Gentleman zahlt sire agebätätä gfälligscht äs Znacht, wo 6.90 SFr. choschtet!!! Hallooo??!?!?!? wo simer de hie??? i gloubes nid...
Und när wotter mi no wider gseh... HALLOOO?!?!? Was söu de das? I chume nid drus... Und när dä Kuss, chasch ja nid Ärnscht näh... Wort si ja ok, aber Tate müesse sprächä.. "Schüchtern" isch so die globali Usred.. Bäääh, i gloubs dr nid und äs tuet mer nid mau leid....
Bye bye!!!!!!!!!!!!!
När bini zu mire liebe Eva! I hoffe du findsch di Wäg wider und lahsch dä Tubu links la lige.. Är het di nie verdient gha...
Usserdäm, hüt isch wider besser gsi, aus die letschte 2 Täg.. Gott sei Dank!!
Und mit dene Wort höreni uf! Adios amigos! Buenas noches! =D
Donnerstag, 4. August 2011
Refugium
I merke, wieni ir letschti chli am Aaschlag loufe mit der Schueu, Prüefig, IDP, Bachelorthesis, Fründe und Familie.. (Aso nid das jedes einzelne an sich schlimm wäri, sondern aues unger ei Huet z bringe..) I probiere jedem grächt z werde und fühle mi drmit mängisch überforderet. Mini Familie het sech anere schwäre Prüefig müesse ungerzieh, mit mine Fründe tueni mi immer gern verabrede, aber da i so viu Lüt gern ha, wirds aube chli schwirig, ä gmeinsami Zyt z finde, die Thesis sött bis am Mänti fertig si, allerdings bini so guet voraacho, dasire jetz no dr Schliff verpasse, vor IDP redeni gar nid ersch und fürd Prüefig sötti villech mau afa lehre..
Mis Refugium isch z Bett, woni Nacht für Nacht soo wohl bi, dasi am liebschte gar nid ufstah.. I tröime bim schlafe und cha mi au Tag dra erinnere, wasi tröimt ha.. Geschter isches äs Fescht gsi unger ar Houptstrass, wo relativ schnäu fertig isch gsi.. Vorgeschter bini irgendwo ir Savanne gsi und ha ä Zoo gleitet (man bemerke: wider die wiude Tier wo mi a öpis unerledigts söue mahne) und i finde das super! I mim Bett bini rundum wohl, o weni mit Nashörner um d Wett loufe.. ;D
Mis Refugium isch z Bett, woni Nacht für Nacht soo wohl bi, dasi am liebschte gar nid ufstah.. I tröime bim schlafe und cha mi au Tag dra erinnere, wasi tröimt ha.. Geschter isches äs Fescht gsi unger ar Houptstrass, wo relativ schnäu fertig isch gsi.. Vorgeschter bini irgendwo ir Savanne gsi und ha ä Zoo gleitet (man bemerke: wider die wiude Tier wo mi a öpis unerledigts söue mahne) und i finde das super! I mim Bett bini rundum wohl, o weni mit Nashörner um d Wett loufe.. ;D
Montag, 1. August 2011
So Tage wie hüt..
A so Tage wie hüt isches nid so eifach, vor auem nid für Lüt wo grösseri Tröim hei, aus si momentan chöi erreiche. Irgendwie sehne sech doch aui nach öppis, wone fäut.. Witer gani hie nid is Detail, schliesslech wotti ja öich nid d Ohre vou jammere..
Aber: jetz hani mer ä Grännifium aagluegt, äs Fuessbad gmacht und ä chübu Glace drzue gnähmiget. Und DAS isches doch, was üs Mädels wider ufrichtet... =D I cha hüt ämu ruhiger schlafe, weni mir chli Sorg gibe und so das womer fäut no chli cha ufschiebe!
Good things come to those who wait!
Und somit: Guet Nacht! ^^
Dienstag, 26. Juli 2011
Übergepäck
Auso: mir hei ä wunderbare Wuchäändtrip nach London buechet, mit SkyWork vo Bern ufe London City Airport i nume 1 h 35, zudäm äs schöns Hotel direkt am Marble Arch (dr Iigang zur Oxford Street, Shopping Strass) und mit viu Gäut im Gepäck zum usgäh. Da aber d Skywork wott maximal 20kg Gepäck la ufgäh und verlangt für Übergepick 12.- SFr. pro kg... Aso heimer üs scho bim packe dä heime iigschränkt und würklech nume z nötigschte mitgno.. (I ha gloub z erschtmau i mim Läbä aui Chleider o annegha, woni iipackt ha)
Tja, da heimer üs natürlech scho chli Sorge gmacht, öbmer das chöi iihaute.. Aber das het üs nid vom Shoppe abghalte! :D I mues no erwähne, das dr Wächsukurs fürs Englische Pfund 1.40 SFr. isch und nümme 2.50 SFr. Und jede Lade het massiv Summerusverchouf gha, so 30-50%... ;D LOS!!!
So isches auso nach viune sehr coole Tage in London wider ums iipacke gange.. De hani mau aues näbä Koffer gleit, när iigruumt.. Haut, dr Huet mues ja no ine.. ok, Platz gmacht, dr ander Huet ufe Chopf, wider iigruumt.. Haut, da si ja no d Blusli.. Ok, eis aagleit, z andere Iipackt... Haut, da hets ja no paar Schue, wo inemüesse.. die ono iipackt und wider rundume iigrumt.. Alles drin!! Finally!! ABER: wie bringi jetz dä scheiss Koffer zue?!? ok, das geit nid.. Zigipäckli lose i paar Spalte wos no chli Platz het verteilt. Är geit zue! Juhu!
Ok, das isch ja noni z Ändi vo de Luxusproblem: Bi üsere U-Bahnstation heisi d Rollträppä abwärts umboue: somit heissts, dä Koffer über 100 Stuefe säuber abeschleppe.. nenei, mir gö uf die nächschti Station.. ok.. alles füregloffe (man bemerke, ar Oxfordstreet isch um 17.00 eifach Rush Hour und wird o umboue und somit unbezwingbar, drum simer eher hingerdüre..). Nachere ewig lange Fahrt ir vollgstopfte, 50°C heisse U-Bahn bis zum Zug simer u froh gsi, das mer üs nid us de Ouge verlohre hei.. Aber z beschte chunnt no: für ufe Zug zum LCAirport simer düre ganz verfluecht Bahnhof und natürlech 5 Stägä düruf und dürab mit so viu Lüt, dases längi Wartezyte vor und uf de Stägä het gäh.. Bachnass und gstresst simer de doch no im Zug abghocket, später gmüetlech am LCAirport usgstige und ändlech dä Koffer abgäh!!! UND: 17 kg!! Super Sach! Ab nach Hause... ^^
Tja, da heimer üs natürlech scho chli Sorge gmacht, öbmer das chöi iihaute.. Aber das het üs nid vom Shoppe abghalte! :D I mues no erwähne, das dr Wächsukurs fürs Englische Pfund 1.40 SFr. isch und nümme 2.50 SFr. Und jede Lade het massiv Summerusverchouf gha, so 30-50%... ;D LOS!!!
So isches auso nach viune sehr coole Tage in London wider ums iipacke gange.. De hani mau aues näbä Koffer gleit, när iigruumt.. Haut, dr Huet mues ja no ine.. ok, Platz gmacht, dr ander Huet ufe Chopf, wider iigruumt.. Haut, da si ja no d Blusli.. Ok, eis aagleit, z andere Iipackt... Haut, da hets ja no paar Schue, wo inemüesse.. die ono iipackt und wider rundume iigrumt.. Alles drin!! Finally!! ABER: wie bringi jetz dä scheiss Koffer zue?!? ok, das geit nid.. Zigipäckli lose i paar Spalte wos no chli Platz het verteilt. Är geit zue! Juhu!
Ok, das isch ja noni z Ändi vo de Luxusproblem: Bi üsere U-Bahnstation heisi d Rollträppä abwärts umboue: somit heissts, dä Koffer über 100 Stuefe säuber abeschleppe.. nenei, mir gö uf die nächschti Station.. ok.. alles füregloffe (man bemerke, ar Oxfordstreet isch um 17.00 eifach Rush Hour und wird o umboue und somit unbezwingbar, drum simer eher hingerdüre..). Nachere ewig lange Fahrt ir vollgstopfte, 50°C heisse U-Bahn bis zum Zug simer u froh gsi, das mer üs nid us de Ouge verlohre hei.. Aber z beschte chunnt no: für ufe Zug zum LCAirport simer düre ganz verfluecht Bahnhof und natürlech 5 Stägä düruf und dürab mit so viu Lüt, dases längi Wartezyte vor und uf de Stägä het gäh.. Bachnass und gstresst simer de doch no im Zug abghocket, später gmüetlech am LCAirport usgstige und ändlech dä Koffer abgäh!!! UND: 17 kg!! Super Sach! Ab nach Hause... ^^
Abonnieren
Posts (Atom)